Quentin Tarantino dhe bashkëshortja e tij, Daniella Pick kanë sjellë në jetë fëmijën e tyre.
Regjisori i njohur dhe partnerja e tij 20-vite më e vogël janë bërë prindër të një vajze. Këtë lajm e kanë bërë me dije vetë çifti me anë të një deklarate për “People”.
“Daniella dhe Quentin Tarantino janë të lumtur të njoftojnë se Daniella solli në jetë vajzën e tyre më 2 korrik 2022, një motër e vogël e Leos, (fëmijën e tyre të parë)”, –tha dyshja në një deklaratë për revistën prestigjoze.
Ju kujtojmë që Daniella është vajza e kantautorit izraelit Tzvika Pick dhe çifti u takuan për herë të parë në vitin 2009 kur regjisori po promovonte filmin e tij “Inglorious Basterds” në Izrael. Ata u fejuan në vitin 2017 dhe u martuan në nëntor 2018 në një ceremoni private në Los Angeles.
