Nisi plot dyshime, por si ia doli “Ghost”, të shndërrohej në një film ikonik

Më 13 korrik 1990, në kinema nisi të shfaqej një film me një buxhet të vogël, por që do të shndërrohej në një sukses global, dhe do t’i bënte protagonistët e tij aktorët më të kërkuar të viteve 1990:“Ghost” (Fantazma), fitoi 2 çmime Oskar, arkëtoi 506 milionë dollarë fitime në mbarë botën, dhe shkaktoi përlotjen e shumë spektatorëve që e panë.

Lë të ngrejë dorën ai që nuk ka qarë kur ka parë për herën e parë “Ghost”, një histori dashurie shumë prekëse midis Molit (Demi Moore) dhe Semit (Patrik Sueiz), që u bë një fantazmë pasi u vra gjatë një tentative grabitjeje.

Filmi ndihmoi në rigjallërimin e karrierës së Patrik Sueiz, ish-ylli i filmit po aq të famshëm “Dirty Dancing”. Një ndër skenat më të paharrueshme të filmit, janë përkëdheljet e ëmbla midis Semit dhe Molit teksa ajo po gdhend një vazo prej balte.

Po ashtu e tillë është edhe puthja midis Molit dhe fantazmës së Semit në fundin e filmit. E paharrueshme mbetet fjalia e tij:“Është e mrekullueshme, Moli, dashurinë që ke brenda, merre me vete…”.Për rolin e Molit, në fillim u kontaktua aktorja Meg Rajan, e cila refuzoi. Edhe aktorja tjetër e njohur Nikol Kidman mori pjesë në audicione për këtë rol, por në fund u zgjodh Demi Mur për shkak të aftësisë së saj për të qarë me të dy sytë.

Po ashtu pretendente për rolin e Molit, para se të luhej në fund nga Demi, u konsideruan edhe aktoret Mishel Fajfer, Ketin Tërner, Kim Bezinger, Debra Uinger, Xhina Dejvis, Xhenifer Leig dhe këngëtarja Madona.

Skenaristi Brus Rubin donte që Patrik Sueiz të luante rolin e Semit pasi pa një intervistë në të cilën aktori shpërtheu në lot kur kujtoi babanë e tij që kishte vdekur disa vite më parë. Rubin mendoi se nëse një ‘macho’ si Patrik mund të mallëngjehej duke menduar për njeriun e tij të dashur, ai ishte i përsosur për rolin e fantazmës Sem.

Por regjisori Xheri Zaker mendonte se Patrik nuk ishte i përshtatshëm për atë rol. Prandaj në fillim kontaktoi shumë aktorë të tjerë,ndër të cilët Pol Hogan, Tom Henks, Kevin Bejkën, Mel Gibson, Denis Kueid, por edhe bashkëshortin e atëhershëm të Demi Mur, Brus Uillis.

Të gjithë refuzuan, duke menduar se të luash rolin e një fantazme nuk ishte ndonjë gjë e madhe. Në atë moment regjisorit kreu një audicion me Suiez, dhe u impresionua shumë nga interpretimi i tij.Upi Goldberg u zgjodh nga Zaker për rolin e spiritualistes Oda Mei me sugjerimin e vetë Sueiz që ishte vetë një fans i madh i aktores.

Në film Semi dhe Moli ishin duke ecur në rrugë kur një grabitje përfundoi në vrasjen e Semit. Patrik tregonte se për vite me radhë pas filmit “Ghost”, gratë i afroheshim dhe i kërkonin që t’i thoshte “idem” (fraza më tërheqëse e filmit).

Po ashtu Sueiz shprehej se roli i Semit ishte më i vështiri në karrierën e tij, pasi si një fantazmë ai duhej të interpretonte pa bashkëvepruar me aktorët e tjerë. Patrik Sueiz vdiq në vitin 2009 në moshën 57 vjeçare si pasojë e kancerit në pankreas. / bota.al

LEAVE A REPLY

Please enter your comment!
Please enter your name here

Discover

Sponsor

spot_imgspot_img

Latest

Nis sot Met Gala 2023, nga tema e përzgjedhur tek parakalimi në tapetin e kuq, gjithçka që duhet të dini

Si një nga ngjarjet më të mëdha në kalendarin e modës, Met Gala 2023 shënon hapjen e ekspozitës së stilit të Institutit të Kostumeve...

Tayna ka një dhuratë për Butrin Imerin dhe ndërpret koncertin

Ata që shpesh i shohim në videoklipe, po aq shpesh i ndeshim edhe nëpër koncerte së bashku. I tillë është edhe rasti i Butrint...

Akuza për abuzim seksual dhe braktisja nga aktorët/ Woody Allen tërhiqet nga kinematografia pas një karriere të zhurmshme

Woody Allen ka njoftuar se do të tërhiqet pas përfundimit të filmit të tij të 50-të artistik. Regjisori dhe shkrimtari 86-vjeçar zbuloi lajmin të...

Kush janë miliarderet e famshme “self made” që kryesojnë listën e Forbes     

Prestigjozja amerikane “Forbes” ka publikuar listën e miliardereve më të reja që janë bërë vetë në Shtetet e Bashkuara të Amerikës. Lista e cila dikur...

Kiara dhe Luizi kurorëzuan dashurinë e tyre në Big Brother Vip, hapit astrologia Meri Shehu: E rreme!

Astrologia Meri Shehu ka komentuar martesën e çiftit Kiara Tito dhe Luzi Ejllit, të cilët kurorëzuan dashurinë e tyre pas njohjes në ‘Big Brother...