Konfirmohet/ Rita Ora koncert në Tiranë, ja detajet e para

0
114

Artistja kosovare Rita Ora, do të mbaj koncert në Tiranë.Koncerti do të mbahet në sheshin “Skënderbej” në kuadër të “Tirana European Youth Capital 2022”, më 6 shtator.Rita, është shprehur shumë e lumtur që do të kthehet edhe një herë në Tiranë për të përformuar.

“Jam kaq e emocionuar dhe e nderuar të lajmëroj se unë do të rikthehem në Tiranën time të dashur. Erion Veliaj më ka ftuar të performojë në një koncert falas për ne për të festuar Shqipërinë si ‘Tirana – Kryeqyteti Evropian i të Rinjve’! 6 shtator, në Sheshin ‘Skënderbej’”, ka shkruar Rita Ora në njoftimin e saj.

Tirana është Kryeqyteti Evropian i Rinisë për 2022 – Një titull që jepet nga Forumi Evropian i Rinisë i krijuar për të fuqizuar të rinjtë, për të nxitur pjesëmarrjen e të rinjve dhe për të forcuar identitetin evropian.

Nuk është hera e parë që Ora po përformon në kryeqytetin shqiptar, ajo ka përformuar edhe dy herë të tjera në Shqipëri, njëherë në vitin 2012 për nder të Pavarësisë, si dhe një herë në vitin 2018.

LEAVE A REPLY

Please enter your comment!
Please enter your name here