Seriali i animuar amerikan Simpsons, që përveç batutave komike, është i famshëm edhe për parashikimet për ngjarje të mëdha botërore.
Por së fundmi duket se filmi ka parashikuar edhe satelitin shqiptar në hapësirë.
Në episodin “The Exchange Student”, Bart Simpson ndërrohet me një student nga Shqipëria, i cili rezulton të jetë agjent sekret i regjimit komunist shqiptar.
Në një moment, ai komunikon me Shqipërinë, përmes një sateliti të stampuar me shqiponjën dykrenare.
Satelitët Albania 1 dhe Albania 2 janë lëshuar në hapësirë
Lajmin e ka bërë të ditur dje kryeministri i Shqipërisë, Edi Rama, i cili edhe publikoi video nga momenti kur u bë lansimi i tyre, nga baza e Cape Canaveral në Florida, SHBA.
Sipas Ramës, kjo do mundësojë administrimin dhe mbrojtjen e territorit të Shqipërisë nga lart.
“Nga sot Shqipëria ka më shumë aftësi të teknologjisë së lartë për të kontrolluar, mbrojtur e administruar territorin, duke siguruar në kohë reale të dhëna të rëndësishme në një sërë aspektesh kyçe për zhvillimin e qëndrueshëm”, tha Rama.
